children_hugging1

اكسر الشماعه

children_hugging1

النهارده هاحكيلكم قصه نجاح ..
هيا مش نجاح بمقاييس الناس العاديين ، ولا بمقاييس الناس اللى مش عاديين

هيا قصة نجاح من وجهة نظرهم هما الاتنين بس .

هما مين ؟  ده اللى هنعرفه حالا سوا …

نبدأ القصه من عندها  😀  زى ما بيقولوا  Ladies first

هيا ببساطه شديده كانت الفرحه ، السند ، الحيل
كلام ممكن متفهموش ايه علاقته بقصتنا ..

بس زى ما اتفقنا  .. القصه من وجهة نظرهم هما .. وهما بس

هيا كانت فى الدنيا بتسعى فى طريق و كان اللقاء الاول

قابلته و من اول مره كرهته .. اوى .. لدرجة انها حولت من المكان اللى كان فيه لمكان تانى ..
بس فى نفس الطريق

هو .. كان الزهق ، المنغلق ، الضعيف

مشيوا سوا فى الطريق .. قربوا .. اوى ..اوى

عرفته و عرفت شخصيته ، لقيته شبهها بالظبط

بس زى ما بيقولوا .. ماسه عليها شوية تراب ، محتاجه اللى ينفض عنها التراب

و كانت هيا الفراشه اللى بأجنحتها الرقيقه نفضت عنه التراب

فجأه لمع و أشرق و بقى شبهها بالظبط .. ماستين من نفس المنجم ..

فى مره وهما بيحضروا حدث سوا .. انطلب منهم يتخيلوا حاجه نفسها تحصل و بعد كده يرسموها

اتخيلوا سوا .. هيا رسمت .. هو مرسمش لانه مبيعرفش يرسم

ولما خلصت رسم لقى اللى اتخيله فى دماغه قدامه

هو اتخيل ، وهيا رسمت ..روح فى جسدين

هو ده النجاح من وجهة نظرهم .. انك تلاقى روحك

و هما لقوا روحهم فى بعض .. حتى لو أجسادهم اتفرقوا

روحهم هتفضل واحده ..للأبد
روحهم كانت تماريس

 

 

لتقييم الموضوع يرجى تسجيل الدخول
0 votes, average: 0.00 out of 50 votes, average: 0.00 out of 50 votes, average: 0.00 out of 50 votes, average: 0.00 out of 50 votes, average: 0.00 out of 5 0.00 (0مشترك)
Loading...

عن Eslam Said

أضف تعليقاً